A no so mìa valtri, ma mi me xe na dò dal caro la "polenta al cucchiaio", cuéla chei fa desso, meda crua e tuta sgneca, chei tela stciafa drita intel piato che la se sparpàne in volta dapartuto, con cuel'insulso coloréto chel par gòmito.
Go destrànio dela polenta dura, cota comesideve intel caliero de rame, coi so soéntre, lassà pipàre fin che la ciape cuéla tinta pajarina che la tràe na stcianta al verdolìn. Cuéla bujà intel panaro de avesso in medo ala tola, cuéla che la fuma e la fae la so bela grostiéla spessa; cuéla co le fete tajà col filo da par soto, comesideve. Cuéla che la resta in feta co te la toi su cole man e che te pui rosegar anca biota. Cuéla che la xe bona anca freda, cuéla che la sae da polenta e che la sparpàgne el brustolìn su par le scale co te la missij. Cuéla che te te senti a baita pena che te ghìn snasi la fumarèla.
No se pol desipare na roba sacrosanta fa la polenta: a xe on delìto!
Go destrànio dela polenta dura, cota comesideve intel caliero de rame, coi so soéntre, lassà pipàre fin che la ciape cuéla tinta pajarina che la tràe na stcianta al verdolìn. Cuéla bujà intel panaro de avesso in medo ala tola, cuéla che la fuma e la fae la so bela grostiéla spessa; cuéla co le fete tajà col filo da par soto, comesideve. Cuéla che la resta in feta co te la toi su cole man e che te pui rosegar anca biota. Cuéla che la xe bona anca freda, cuéla che la sae da polenta e che la sparpàgne el brustolìn su par le scale co te la missij. Cuéla che te te senti a baita pena che te ghìn snasi la fumarèla.
No se pol desipare na roba sacrosanta fa la polenta: a xe on delìto!
Gianni Spagnolo
Noialtri la femo sempre cussi, sacrosanta, come che la fasea la mama, e doparemo sempre el panaro fato da me pupa 40 ani fà ! Ghe sarà fursi cora una o do groste in meso al legno !
RispondiEliminaBrava, Odette! Ma dime: el panaro co le grostiéle sconte rento intele sfese lo gheto a Sanpancrass o intela Lacrimarum?
Eliminauno de quà uno de la, e, par le groste, fao come Pollicino che semenava sassi ntel bosco par trovar la casa paterna ; mi semeno groste de polenta !
EliminaPurtroppo mi sto rassegnando! Polenta pronta in 1 minuto, o 2, al massimo 3. Come si fa a resistere al progresso? Presto non troveremo più la farina genuina, nuda e cruda, che ha bisogno di una cottura lenta. E dove sono i calieri di rame? E il panaro? Appesi al muro, ricordo di famiglia, come in museo. Viva la polenta!
RispondiEliminaAnonimo