San Valentìn

Questa poesia l'ho scritta tanti anni fa, 

su richiesta di una mia amica il cui marito era un po' orso...

         

Me son sempre domandà

chi mai sarà stà,

a inventare la festa de l’AMORE

con San Valentin so protetore.

                   Me vien da “sganasàre”

                   sa penso che, al me “amore”

                   no ghè passa mai par el servélo

                   de dirme qualcosa de belo…

Figurarse se el me fa un regaleto

me toca mi fàrghelo... in leto!!!

E de quelo ca gavarìa bisogno

me lo serco solo in … sogno!!!

                 

  Al me Valentin, vojo dire

                   che no ghè sarìa tanto da fare…

                   bastarìa poco, anca nà caressa,

                   un fià de atension, na dolcessa…

Dei regai, no me importa gnente

volarìa solo esser nela so mente,

e ogni giorno che vien

sentirme dire “ te vojo ben”!!!

                  

 Un baso, na parola

                   par no esser  mai da sola,

                   un scherso, un soriseto

                   anca se no semo in…leto!!!

Ghè volarìa un corso acelerato

par farghe capire quel che narìa fato,

ma mi me comtentarìa de poco…

solo che lù…l’è proprio un…soco!!!

                   

Xè mejo che ghè mole de parlare

                   podarìa farlo de più….rabiare…

                   ma mi gò dito la verità…

                   “Me piasarìa tanto esser cocolà”!!!

Par finire el me discorso

anca sa sò che l’è un …”orso”…

vojo sperare, par un momentin

che vegne anca par mi,  SAN VALENTIN !!!

                                                                               Lucia Marangoni