Ciòsa

 

Do righe su Ciòsa

par dirve che la me piase così

impastà de cielo e mare,

coi gabiani a josa

in volo o in posa

su cese e campanili,

su ponti e canali,

su barche e monumenti,

e pure, fora da na vetrina,

come le ciosòte incantà a vardàre.

Sti gabiani i xè sempre a ciaceràre,

ma anca a magnare

quel che i ciosòti buta in mare.

E se non bastasse, i xe sempre

in vena de barufare

par storie amorose

o par un pesse de mare.

Forse i ciosòti ga ciapà dai gabiani.

Forse i gabiani ga ciapà dai ciosòti.

Ma che importa... Ciosa xe bela così

coi so gabiani e i so ciosòti.

(Ci ho provato... Franca)