"I Ansiàni"

Chi coi penéi pitùra

chi sona el mandolìn

chi  zuga a carte

tacà un bicér de vin.

Chi vanga tuto l'orto

chi fa na passegiata

chi fa un giréto in piassa

opur na scampagnata.

Chi va nela palestra

chi invesse va a balare

chi mena i boce a scola

par sercàre de jutàre.

Chi proprio no pol mòvarse

parchè gà dei problemi,

i dopararà un fià de pasiensa

par stare pì sereni.

Chi che sta lì a pensare:

Ansiàn no zé miga belo...

i daga l'esperiensa,

pressiosa fà un gioiélo.

Chi ze che sta disendo

che no serve i ansiàni?

Luri ne sta insegnando

a sperar nel "domani"

(la poesia nella longevità - opere premiate)