I cuiss de Giani

Ecco la seconda puntata del quiz 

alla riscoperta dei soprannomi paesani 

dello scorso secolo. 

Forza dai!

... El gera on merlo africàn, rivà célere dal’Africa con na schita da far inpressiòn. El faséa balànsa con le ale par ciapàre tuti i bai chel podéa. Ogni tanto el se podàva sora na montagnola de fango, rente a on bojo, becolando cualche fasòlo in conpagnia de on finco. Capitava chel catàsse anca na castégna o na bronba, mal ghéa spago che le ghe pegiorasse la càgola, elora el lassava stare. El finco el ghéa na coéta e on ciuféto biondo tuto spenotà chel paréa na satéla, mal gera sempre pì benmesso dela sélega o del cuco. Stemo tenti invésse che no rive el gòdele co la poja, sonò s’inpianta sù na barùfa che la ne piona le ale a tuti. Varda lìve che salta fora la sigàla, a védo che la tabàca da soto on stròpolo. La ciucia on toscàn e la lo spùa in volta dapartùto. La farà posta che no la becolémo, cuéla canaja.

Chive messà che gatacicòva ciò, con tuta sta boràna, se no ghémo na bota de culo a ristcemo che la ne porte via tuti. 
Mòleghe de fare el lolo, sonò te stciafo la culata a do manasse, ghe dise el finco al merléto. Chi critu de éssare ti, ghe rebàte el merlo: on sergente? On capitano? Valà semòto che a ti si sol che on petenéla,  balòta e anca  scoredòn, che 'l se fa la pissìn dosso pena che uno ghe sbéca drìo.  

Ah, eco pulito ciò, ga parlà l'ométo de oro, ghe rimarca el finco...