Ve ricordèu el mestélo dela roba da lavare?
Co la tola de legno con qualche sgresènda,
el cantòn par el toco de saòn
e le man che sfrègola e su e xo da l’acua..
Quante volte, col mestèlo pien
go sfregolà, go lavà, go rasentà…
la schena incucià , l’acqua freda…
go fato de tuto par jutàre la me famèja..
El bruschèto in man
na insaonàda, na bruschetàda..
onto de gùmio, quelo ghe volèa,
e le braghe nete le vegnèva.
Sarìa stà pì belo,
vardàre la televisiòn,
ma la domènega dopo mesogiorno,
me spetava senpre el mestèlo…
Podèvo lassàr stare, sì podevo…
ma el pensiero de me mama,
che stratolta da tante fadìghe,
la gavèva bisogno de èssar solevà,
me disèva de fare…
Dopo pì de quaranta ani,
co vedo un mestèlo,
me vien in mente le me domèneghe…
ma so che farìa ancora la stessa roba,
gavarìa fato de tuto par la me famèja,
gò fato de tuto…
Lucia Damari
Grazie Carla El mestelo me lo ricordo ancha mi ero piccola allora e me piaceva anca lavare e anca alla fontana dei Lara visone ala scola
RispondiElimina