El Salvanélo

【Gianni Spagnolo © 21M8】

È stato nominato varie volte, ma mi sono accorto che al Salvanelo non era stata ancora dedicata una monografia su questo Blog. Alle Anguàne abbiamo dato largo spazio, ma ad Orchi, Vecie e Salvanei, anch’essi figure importanti di quel mondo di mezzo, non abbiamo riservato analoga considerazione. Devo correre perciò subito ai ripari, soprattutto perché, mentre Anguane, Orchi e Vecie non sono particolarmente suscettibili, i Salvanei lo sono parecchio e non vorrei proprio essere oggetto delle loro ritorsioni. Auspico anche che si istituisca presto qualche “Anello del Salvanelo” per calmare le acque e non irritare quelle talvolta simpatiche, ma assai permalose presenze.

A parziale scusante possiamo addurre che il Salvanelo non è nativo delle nostre bande come lo sono invece le Anguane, dato che è presente in molte tradizioni dell’arco alpino e non solo. Altrove lo chiamano anche Sanguinello, Sanguanel, Balsanelo, Mazzariol, Pesarol, ecc., anche se non è chiaro se queste denominazioni identifichino un unico soggetto, dato che lo presentano con sfaccettature diverse. Sembra accomunarli un particolare accessorio di vestiario, cioè quel vistoso cappello rosso appuntito, che è presente anche nell’immaginario collettivo riguardo agli gnomi e ai folletti delle fiabe per bambini. 

Il Salvanelo che abita la Valle dell’Astico e le montagne contermini presenta le caratteristiche che ci sono state tramandate nei filò, ma che il tempo ha un po’ scolorito, dato che quel rito non è più in vigore dal tempo del secondo Concilio. Vediamo un po’ di riassumerle ruscando fra le memorie. 

El Salvanelo a l’è on ométo picoléto e tuto misso, vestìo de rosso e con in testa on capelo a pónta, rosso anca élo.  El ga anca le rece a pónta e fora drite e i pìe grande, coverti da scalsaroti russi, cussita che nol fae casoto col camina. Defati no se lo sente mai rivare, ...el salta fora e basta! A l’è on gran bagolòn, a ghe piase far schersi e far nar drio la jente, massima i pì baucoti, o chj che ga tanto caro el goto. El tol de berta pì i òmeni che le fémene, anca se ghe piase farghe i dispeti e far balare in tondo le tose fin che no le volta via. 

La so vera specialità, parò, a xe cuéla de farghe la dressa ale cóe dj muli, parlare cola vosse de nantro, batare le man e parar de torno cuj che se ga perso par strada; specie cuìli che camina sora le so péche. Caminar sule le péche del Salvanelo, defati, portava scarogna assà, a jera roba da vardàrse ben dal fare!  Le so péche a le jera stréte e longhe, fate on fià a bajijo e a pónta: biognava saérle tóre sonò a jera rogne e se se sarìa de sicuro persi par strada, massima co se tornava dal’ostaria.   Serti i dixéa chel ghéa caro anca robare i popi par arlevarli élo, ma stachìve a noi la contava mia tuti conpagna. 

El Salvanélo te lo catàvi on fià dapartuto, i contava chel stava intj busi sototera, intj còguli,  intj buschi, ma che ghe piasesse nar in volta a lolòn par le case, le stale, le tede e le malghe, andò chel trovava jente da tor de berta. I parlava anca chel fusse cussita sguelto e sgajo da saltar da on àlbaro a l’altro e chel ghe tirasse sassi e el ghe dasse fogo ale téde de cuìli che no ghe garbava. Pararìa chel fusse anca bon da sortire de boto dal fógo coj missiàva la polenta. Serti i jurava diritura chel Salvanélo el se sentasse sule panse de cuìli chj provava a indormensarse, inpedendoghe de ciapar sòno o fàndoghe fare le pì brute mare. Robe che capitava spece a cuìli chj magnava massa tripe coj fasui o j nava de brentòn col goto.