El temporale estivo

 

S_ciochi tuni, fulmini e saete, 

se tuto un sbater, de balcuni e porte.

  Mulinei de vento, che rabalta su le robe.

Facie stralunà, che da finestre e porte, 

se varda in gir preocupà.

Presto sbeca, ai tusi fora, 

chei core, presto, rento in casa.

Sbaia e core i can, 

a scapar presto soto i porteghi.

Smiagola i gati, col pelo, 

indrisà su la schena, che i scapa, 

a sconderse, soto el leto.

Le galine, presto, varda ti, 

se le se tute rento, nel punaro.

Borla le vache, ne la stala, 

spaventà da s_ciochi e saete.

Sisile che come saete, 

le vola raso tera, 

par magnar mosche, 

che le se, so base.

Canta forte i canarini,

rento la gabia, a far invidia, ai s_ciochi. 

Curi a sarar su balcuni e porte, 

che presto, scomisia a piover forte. 

I nisui, i se ancora fora, 

tuta la roba lavà, su le corde, 

coremo presto, a tore su tuto, 

senò, se bagna, anca quela.

El fen sé_ncora fora el fen, 

curi presto, tuli su, corde e tarlisuni, 

cà lo portemo rento, 

e se no femo in tempo, 

almeno su in marelo lo metemo.

El temporale estivo, se rivà.

Francesco  Lorenzi 2004