No se fa mai ben par tuti

No se fa mai ben par tuti,

chei te cata i ràdeghi pì bruti.
Co te lo taji, a che far che te lo ghe tajà,

ma se te lo lassi live, istesso xe sbalià.

La gneve adàxio coverde cuéla xoca, 
pai pissi rabaltà ghìn bastarìa anca poca.

 Pissi scavessà dala tenpesta Vaia,

 ma missi dò alora cola testa in gaja.
Desso i xe maestri in volta a spiegare,
cuéi che algìri i comandava de inpiantare.
Distanti l'un da l'altro gnanca un brasso, 
dei veci i dixéa che noi capisse un casso.

A se dén maravèja del'anbaradàn,

par menàr dò l’àlbaro in Vatican.
De tuti i schei e de chi che paga,
ma no scorlén gnanca na braga.
A schissén botùni e se lavén la boca,
parché ne fa pecà cuéla pora xoca.

Cuél pesso fato come drìo natura jéra,
streto in ponta e belo largo in tera. 
No fa cuéi bachìti col penacio in sima
chel vento ga  strapassà fa na fassina.
Bon par farghe festa al popo intel sesto
chel ga fato i pissi e anca tuto el resto.

G. Spagnolo