il ritorno dal bosco: el gineceo

nel gineceo erano presenti:

Carla, Terry, Gina, Vincenza, Serena, Carla 2, Zaira, 

Angela, Milly, Fanny, Sofia, Nita, 

Magda, Nena, Cristina, Nadia

 

el magnàre zé stà compagno de quelo dei òmini, 

co la difarénsa che a luri ghe ghemo lassà i piati de ceramica 

e nantre quili de plastica...

a disarì: cossa fala sta qua co le braghe in man? 

Va ben che la Fanny la gà scrito da qualche parte 

che no la pensava ca ghesse cussì tante fassìne al scovérto... 

la pensava na s-cianta de manco...

 ma a ve spiego: 

le lavandare le ghéva da portarse ognuna 

un nissòlo de cànevo da lavare, 

insieme al bruschéto de legno e el saòn. 

In donta, zéra gradìo anca qualcosséta altro 

de pì picolo da lavare e anca da stendere, 

bastava che fusse stà robe vécie.

 La GINA, la "Capa dele lavandàre"

 la se gà portà sì, el nissòlo de cànevo,

 ma co la gà visto le braghe del pigiama 

che ghéva portà la Serena, 

e che la ghe gà dito che le zè de Mario... 

basta... la GINA no la gà capìo pì gnente...

 la gà volesto lavarle éla... 

cussì la gà fato anca manco fadìga 

de lavare el nissòlo de cànevo 

(ca ve assicuro che mojo a lè na carga!!!)... 

e lava ca te  lavo... e sbati... e struca... 

e insaòna e resénta e bruschéta ben el patelòn... 

e ribruschételo...

contenta fa na pasqua... 

ala fine la se acòrde che zera 

braghe de pigiama da fémena sensa patelòn...

delusa, ma piena de orgoglio la gà sigilà el tuto con un:

valà Serena, valà... che le zè de Mario sì 

e tì nel patelòn te ghe ghe dà na cusidùra 

par star pì chieta!!!...