Na passeggiata

                     

                                                        

Ogni volta che riva la bela stagiòn

e de fora se stà proprio benòn,

al luni matina, un’allegra brigata

se invia par fare na bela passegiata.

Prima de tuto bisogna domandare

chi che gà voja de farse… urtare…

E dopo in fila se se prepara,

se mete el capèlo che dal sole el ripara!

Dopo se parte insieme, pian pianelo…

vardàndose intorno… xè proprio belo!

Tuto xè verde e mejo par de respirare

sarando i oci,  someja de sognare!

Rivà al capitèlo, se se mete a schiera

e co la mente se dise su na preghiera,

se beve l’acua de la fontana tacà a la Tòra,

che la xè bela fresca e la ristora!

Se ciacola e se se varda intorno

se xè contenti e no se volarìa el ritorno…

Ma dopo un fià indrio bisogna tornare

a Casa Nostra xè quasi pronto da magnàre!

Par chi che xè sempre fermi, fursi no xè tanto,

ma fare sto gireto xè proprio un incanto,

e tuti se prodiga par ringrassiàre

chi che le carossìne gà sercà de urtare!

De sti momenti così speciali

xè da ringrassiàre anca i volontari,

che insieme alle dotoresse e all’animatore

del ben dei ospiti, i gà proprio a cuore!

Lucia Marangoni (Dàmari)

4/07/2025