E noi ora ci lamentiamo...
Ma che fredo fasèvelo?
In casa, da tosèto, a sentivo parlare del'inverno del '29, quando ca se gavéa crepà parfìn le vigne dal giasso; invesse, del'inverno del '56 a go purtropo memorie direte.
Alòra a faséa le elementari e par nare in paese a scola, a messa, e a dotrìna, a gavéa da fare quasi tri chilometri in bicicleta su na strada de giara.
Ala matina, alsarse dal leto a jera un'impresa, dato ca jero blocà da tante coverte e da un trapuntin grosso na spana par difèndarme dal fredo che in te la me càmara da leto in tramontana el jera forte.
Le case dei contadini non le gavéa mia el riscaldamento come quele dei siùri co un camìn o 'na stua in ogni càmara; nele nostre case a no ghe jera gnanca el controsofito, ma solo dele tavèle coi cupi de sora, gnente altro.
Na matina a go catà el giasso nel bicère de acua ca me metéa in tel comodin.
A dormèvo soto zero!
La sera, par scaldare el leto, naturalmente a se usava la mònega e la fogàra de bronse che solo i grandi podéa doparare, par pericolo de brusàre el leto; nantri tusìti a podìvimu solo doparare el "scaldìn", nela meza stajòn, manco pericoloso. Cuando che me mama la tirava via la mònega e la fogàra, a saltavo subito sul leto, ma prima a faséa la pipì in tel vaso da note, che dopo a metéa dentro al comodin.
Nessun naséa in tel cesso in fondo a la corte con cuel fredo!
Apena alsà, a me lavavo i oci con acua tiepida dela fornèla dela cusìna, e dopo la merenda a ghe jera la vestission.
De sora dela fanèla e dele mudande longhe felpà, a me metéa un paro de maliùni, braghe grosse, calse de lana, scarpùni, jachèta, paletò, passamontagna, barèta, sierpa e i guanti: "Signore, fame grande che grosso me fo mì!"
La bicicleta la gavéa sul manùbrio du manegòti de pelo de conèjo roversà, par tegnere le man al caldo, ma istesso a rivavo a scola coi diaulini e le seje e la sierpa davanti ala boca coi candeloti de giasso.
Se nevegava, e sucedéa ogni ano, a stasìvimu a casa in vacansa, fin che rivava el varsòro del Comune a netàre le strade, lassandoghe un smissioto de neve e giara dove che le rue dela bicicleta le se fondava.
Ma la vita continuava istesso!
A casa se aprofitava del fredo par copare el mas-cio, ma anca le oche e le arne.
El camin e la fornèla i jera senpre inpissà in tela càmara dove che se faséa tuto: la cusina.
Lì a se cusinava, nel camin a se faséa la polenta ala sera, lì a se magnava, a se pregava prima de nare in leto, se pareciava i gnochi e le tajadele, se faséa e se sugava i saladi che i pendéa dale pèrteghe tacà al sofìto, sgossando grasso fin ca te magnavi la minestra.
Lì a se faséa i cònpiti, lì a se zugava a tónbola ala doménega de sera, le done le stirava col fero a bronse e la fiola da mario la cusìva la dota.
Sto mondo el jera ritegnù da tuti imutàbile, come che el ze stà par i nostri genitori, par i noni, par secoli, da senpre, insegnandone a rangiarse e a contentarse.
Ma dopo a ze rivà la corente e la television, el mondo industriale el ze rivà anca in tele case contadine con le modernità che la ripresa dei ani '60 ga reso ragiungibili e in parte irinunciàbili.
In te le case a ze rivà el riscaldamento in ogni càmara, el cesso in casa, i trasporti con machine senpre pi moderne.
In tei ufici públici e scole a ze rivà el "Signor venti gradi" par non sprecare riscaldamento, regolando la tenperatura, verzendo le finestre.
A ze nato el consumismo e la globalisassion, l'inquinamento che nol va mia d'acordo con el PIL che el deve créssare senò a restemo indrio dale altre nassion, adesso i schei virtuali, i "bit- coin", e doman cossa se inventaremo par conplicarse la vita?
E ghemo desparà a rangiarse e a contentarse e se blochemo par tri sentimetri de neve anca se gavèmo potenti SUV 4WD e le strade sfaltà.
Roberto Soliman
La vita aveva ritmi lenti, quando la neve cadeva c’era il SILENZIO.. tutto ovattato.. la stalla era il nostro ritrovo serale, ci si raccontava la VITA.. ora si va in TERAPIA… bel salto la modernità, lati positivi e non..e per guarire dai diaolini , me nonna me mandava a piedi nudi in mezzo la neve
RispondiEliminaMadonna santa, se era realtà tutto ciò. Meglio ora, ma qualche ristrettezza per i nostri ragazzi , gioverebbe per capire le difficoltà della vita.
RispondiEliminaSi fa fatica a tradurre,racconti sentiti,anche se in dialetto più recente,questo è del 1800?
RispondiEliminaNo, gentile paesano? Il nostro dialetto è così anche adesso, non risale al 1800… ma sicuramente lei non ha mai vissuto tutto questo… allora, un “ bel tacere, non fu mai scritto “
RispondiEliminaEra proprio così….
RispondiEliminaGiulio
RispondiEliminaBisogna lasciare la libera espressione ,anche io qualche volta ho difficolta a leggere il dialetto,pero mi piace ,sentire delle parole che diventano rare,e poi non fanno male a nessuno. Detto questo ,vorrei parlare della mia esperienza; Quello che io ho vissuto, e importantissimo sapere da dove veniamo.Il sig che ha scritto l’articolo; non so se conosce :i déolini,le buganse d’inverno, se sa che le nostre basket si chiamavano scalsaroti ,e poi i scarpuni con le broche.Il cesso in fondo l’orto, fino agli anni 1955/ 60 era cosi in tante famiglie del paese.I ragazzi della mia eta che vivevano ai Baise ( singela) Venivano giu a piedi anche 4 volte al giorno per andare a scuola o al caselo, a piedi,altro che bicicletta.Si dormiva in un letto con un materasso imbottito con foglie di sorgo asseccate che quando ti muovevi i fratelli che dormivano insieme si svegliavano perche le foglie secche facevano molto rumore quando ti muovevi, la monega era riservata alla nonna.Da dicembre in la,malgrado la straponta che pesava un quintale, quando ci svegliavamo al mattinio i vetri erano ricoperti di ghiaccio,come si fa a parlare di riscaldamento! Alla sera si andava a giocare in una stalla in mezzo al fieno,mentre gli anziani facevano filon,cosi eravamo al caldo.Non so se era l’anno 1952/53 ,ma c'era talmente neve che in contra facevamo delle gallérie nella neve per andare da una casa a l’altra.Altri tempi,tanta severita,ma c’era un grande rispetto per gli adulti,eravamo tutti poveri (quasi) oggi molti lo sono ancora,pero manca l’educazione. Questo e il mondo in cui si vive.Siamo sempre piu soli,tra TV e smartphone, piu le reti sociali che dicono tutti la sua, qualche volta e difficile, pero abbiamo la Televisione,e internet che ci informa di tutto,in quelli anni la; c’erano le osterie,le botteghe,dove si parlava,e poi c’erano le santole e i santoli che ci tendevano,adesso ci sono i giovani e la polizia.Possiamo sempre scrivere in quei tempi la,pero bisogna spiegare che niente e facile e che i salami sono ataccat su alti in tutto il mondo.