Come se fa a 'nare vanti?

Come se fa a ‘nare vanti?

Come se fa a insegnare ai tusi a voler ben

dopo aver visto tanta cativeria?

Come posso  stare sensa me marìo,

sensa gnente da magnàre,

co nà casa brusà e co tanta disperassiòn nel còre?

Come se pode fare a mandàr xo bocùni amari,

a contàr storie ai putèi, a far filò in stala,

a cantàr cansòn fin che se laòra nei canpi?

Come farònti mi a dir su na preghiera

a quel Cristo morto in cròse,

sa sento che la me cròse la xe massa pesante da portare?

Volarìa averme insognà, invesse xe tuto vero...

me vardo intorno e no so cosa fare,

no ghe xe nessuni che me consola,

semo tute done da sole, done vestìe de nero,

done che ga da farse forsa…

E lora, sughèmosse i oci, alsèmo la testa

e nemo vanti, parchè n’altre gavèmo na tenpra forte

e  ghèmo da slevàre i tusi, 

da tèndare i veciòti che xe restà,

da contare sta bruta storia

e far ricordare, a chi che vegnarà dopo de n’altri,

che anca se xe stà fadìga, se la disperassiòn gera tanta,

se ghèmo tirà su le màneghe,

ghemo parà via le làgrime e semo na vanti.

Lucia Dàmari                       

12 aprile 2023