El Fagaro de Costante

【Gianni Spagnolo © 21III6】

Ecolo’ live, alto e drito, intel loto de Costante, chel tende Tinasso. 

La lo ghéa menà in dote la Ménega, so pora mama, e i lo ga sempre rancurà parvia chel jera belo grande anca lora. Par essar grande l’è grande, ma desso che no taja pi nissuni ghin sta vegnendo su anca altri de bei parà. 

Stiàni invesse, co se tajava tuto l’inmajinabile, lojica chel saltasse sujto al’ocio.  Cussita l’è deventà la “Pianta Monumentale” del paese. El fagaro de Costante defati i lo conosse tuti, anca parvia che l’è poco distante dala Caséta, sula strada de Tinasso, comodo da rivarghe, specie da co i ga fato la strada dele Nore. 

Messà ca farissimu fadiga a pararlo rento intel Guinness, ma paintanto incontentemose de lassarlo in pìe, valà, e sperén chel tegne bota!