El deputato

Co l'era in fàbrica

el mancava spesso,

e quando el ghe zera,

l'era sempre al cesso.

Par lu, laorare

zera 'na soferensa

el le gà provà tute

pur de stare sensa:

Par cojonarlo

del so passato

i lo ciamava

el deputato.

Par qualche tempo

l'è stà anca in presòn

e lì el gà studià

la so situassiòn:

"Se me meto in lista

e me fasso votare,

gavarìa finìo

de tribolare."

Vardè, se votè

chel bruto mona,

ghin sarà uno de manco a Schio,

ma uno de pì a Roma.

Augusto Bertoldi

par rìdare e par pensàre...

parole sensa pretese...

grassie a chi le lese.

Gò scrito ste cassàde

par far do sganassàde,

le lesémo in compagnia

par schersàre in alegrìa.

Mai e pò mai gavarìa pensà 

che un'anima bona

le gavarìa publicà...