Patate consà

Per 4 persone:

na siòla

dù eti de lardo

oto patate

 

 Mitì a lessàre le patate e intanto che le se cusìna mitì el lardo in te na padéla chel se desfe finché no se forma i sòssoli...

Butéghe rento la siòla finchè no la devénta maronsìna...

Co zé cote le patate tignì da parte un biciére de la so àcua e schisséle col schissapatate.

Missié le patate col lardo e la siòla come fusse un puré. Se vien un fià massa suto, dontéghe el bicére del'àcua dele patate ca ghì tegnù prima da na parte.

Se sposa ben col radìcio invernale e formàjo stajonà de quel che pìssiga...

Bon apetìto...

(a cura di Nico Sartori... che cussì le faséa so Nòna Bepa)