Chi che fuma come un…turco,
chi beve par desmentegàre,
chi sbéca con tuti quanti
par podérse un fià sfogàre...
Chi se tégne tuto dentro,
ma… s’el s-ciópa…mama mia!
Chi che parla co n’amico,
ma...zè vero ch’el ghe sia?
Mì, sa gò i me pensieri,
sa gò problemi o questión,
co nà péna e un folio bianco,
scrivo zó le me emossión…
Mì a scrivo quel che me pare,
quel ca sento dentro de mì
e, credìme, fa manco male...
mì me sfogo proprio cussì!
Mì… a scrivo…
Lucia Marangoni
Nessun commento:
Posta un commento