Sentà nela caréga
baréta fracà
un sole che sbrega
pele incartossà
Pensieri che noa
in un vecio servélo
ricordi che broa
piantà col cortélo
Rughe profonde
che par pugnalà
gran dispiassìri
vita tribulà
Na sbrancà de tempo
ancor da consumare
quasi contento
che sia ora de nare
El vole sepelire
na vita de merda
e da soto scoltare
créssare l'erba
Augusto Bertoldi
(parole sensa pretese
grassie a chi le lese)
Nessun commento:
Posta un commento