Mese di maggio dedicato alla Madonna
“La Mama béla”
Me ricordo ancora, co gèro putéla
che i me insegnava a pregar la “Mama béla”
che i fiùri nei prà, me diséva me Nona,
i se ciamàva “ocìti dela Madona”.
Nele cese e nei capitéi, gò imparà a vardarla,
fermandome un àtimo par saludàrla,
con nà preghiera e un pensiero,
par mì, i me cari e par el mondo intiéro.
La veste ciàra, o color del cielo,
un viso bélo, de drìo al so velo,
le man giunte, con el rosario,
tuto l’insieme, straordinario!
E nei dipinti, fati con arte,
angeli e Santi da tute le parte,
in testa de stelle na gran corona
sora na nuvola, el Bambinélo e la
Madòna !
Massi de fiùri, piante e lumìni,
che i sia nele piasse o nei confini,
man che se insegna, co i passa davanti
E nele feste, a ela dedicà,
preghiere, canti e tuta adornà,
paesi e contrà la porta in processiòn
e tuti ghe domanda la so intercessiòn!
La xé l’immagine del vero amore,
la xé Mama de tuti e de nostro Signore,
e par chi che la sa pregare,
ancor le grassie la sa mandare…
Dal cielo la ne varda e la ringrassiémo,
par ogni bisogno, col cuore la invochémo,
la gà tanti nomi, ma la xè sempre quela…
mi la ciamo ancora, la Mama bela!
Lucia Marangoni
Lucia Marangoni
Commenti
Posta un commento