El fogolàre de Bronsescoverte

 

El fogolare sempre impià

ani e anorum el ga

tegnesto duro

bronse incandesie

bele calde e  vive e

dal mantese dei utenti

sempre ben alimentà

da osigeno e bele stele.

Pianpanelo fursi el

mantelo del mantese

se ga un pò sbusà

e aria così poca le bronse

ga scomisià a sofegarse

fin che un bel dì

el bronsaro scomisiava

a no aver pì forsa 

a cedere  straco e stufo

tuto el ga lasà !!

Coverto co la senere le bronse

par morire xò a poco a poco

Sòto sòto però le bronse

de speranza mai le gà molà 

le ga mandà in giro 

segnai de contentesa

ciamando a pì no poso

i utenti scontentà !!

Che presto i ga impienà

mar de alte onde de letare

SMS contati fisici imusinì

contati de la Carla e Giani.

I ga repesà su i busi 

del mantese sfinio

e pian così el fogolare

el ga ciapà corajo 

e vivo xe tornà

le bronse bele vive 

calore e vita già ne dà.

Grazie supiauri de aver 

ben osigenà le bronse

e Bronsescoverte de

Carla è Giani xe tornà.

Francesco Lorenzi

1 febbraio 2026