I ori dela Cesa

Son in denòcio 

soto al pòrtego dela Canonica…

tuti me varda, 

el Vescovo me xe proprio vissìn,

mi sposto na piastra de sasso 

e tiro su quelo ca gavèvo sconto

insieme con don Fortunato.

De mi el se fidava,

insieme gavèmo messo soto tera

la roba pi de valore 

che ghe gera in cesa,

la roba pi bela, 

cussì nissuni la gavarìa robà…

El me pàroco nol ghe xe più…

mi go el terore stampà nei oci

ma ancò son qua anca par lu

e sento che quelo ca son drio fare

xe na roba inportante...

Tegno in man quel tesoro

e vardando el Vescovo nei oci

lo meto nele so man, 

come se fusse la me vita…

Mi, un bocia, 

savèvo quel segreto,

solo mì savèvo 

e no dovevo parlare con nissùni,

ma desso che xe tuto finìo,

desso che bisogna cominciare de novo,

son contento de èssare restà vivo

par  far tornare nela me cesa,

tuto quel  che  gera restà sconto

e chel spetava de tornare al so posto.           

Lucia Damàri    

Dal racconto di mio papà, Romano Marangoni Pedescala maggio 1945