Gildo

Francesco Lorenzi mi invia queste due foto del mitico "Gildo" e scrive:

Ho trovato queste due foto del 1969 o 1970 non nitide purtroppo, ma si vede bene una persona che era una presenza costante (in Lara) sempre seduto sulla sedia: GILDO 

Te le spedisco se vuoi far partecipare altri a questo ricordo.

Penso che lo ricorderai anche tu quando alla festa di S.Pietro andava sempre alla lotteria a giocare con i soldi che metteva da parte tutto l'anno con i piccoli lavori di legno che faceva e poi vendeva: Bastoni da passeggio, Statuine del Presepio, Casette del Presepio, Tabacchiere con la corteccia delle Betulle, Archi con frecce in legno, Pugnali in legno, Lippe e altri piccoli oggetti.

ciao Francesco

E io colgo l'occasione di riproporre il post che Gianni aveva a lui dedicato tempo fa.

(Toldo Ermenegildo dei Godi)

(*1919   +1980)

          Ermenegildo! Nome de antica tradisión longobarda che pare vója dire “Grande nel sacrificio”. Paréva ‘na tólta de berta, sto nome,… par Gildo. ‘n omo sensa età, tribolà,  passà come ‘na saéta nei ricordi de’on bocéta dela piassa.

          El vegnéa sù dai ghénghele del’Aréta, davanti ai Tépela, nando de sotegón col palo e portàndose drìo la so careghéta.  El traversàva dàsio e de malibión la strada par comodàrse ai l’Ara, davanti la càneva de Tita Cogo o dei Carnavài, a góderse el sole.

Gildo, il Vescovo e Don Francesco

          Ogni tanto el se rabaltàva e alóra i nava a tórlo sù, sperando ca no ghe fusse in volta snebelùni a cójonàrlo. El doparàva el palo anca par cuélo: farghe paura ai bóce che lo tempelàva. No parchè el fusse catìvo de suo, majinàrse!….ma  par difénderse dala cativèria nostra! A savére parchè i bóce (e mìa sol che i bóce) i zè tanto ébeti e caìni con chi che zè pì debole e scarognà. Fatostà che’l poro Gildo ghesse da dontàre a la so cróse, anca la tépa dela piassa, mai sàssia de móche.

          Cossa che ghe passàsse par la testa a Gildo, mistero!

Sul prinsìpio el me faséa anca paura, parvìa ch’el jera tuto ransinà, el se movéva e’l parlava con gran sforso. Ma co te ghe navi rente, par vardàre cossa ghel ghéva in tel sachetèlo tacà la caréga, te capìvi che’l jera contento che calchedùn che dasse réta.

Zè stà cuélo ch’el tegnéa là…. che la  prima volta me ga fato ingiutìre la fifa!

       Gildo ghéa ‘n’anima e ‘n talento!

       Néla so póra boteghéta: ‘n sóco, ‘n menarìn, ‘n cortélo e poco altro tra le sìcole tutotórno, sóto al pórtego dela Judìta, chele man ingranfìe le cavàva dal legno robe che ai me oci jera pura magìa. Fionde, pugnài, spade, pistole, lance, stciopìti e … balestre. Tuto de legno!

Cuélo el jera bravo a fare Gildo. El le faséa par naltri, …cuìlì che lo cojonàva. Vara tì!

Po’ el ne le vendéa par quatro schei: 20 lire ‘n pugnale, 50 la spada, ma el le regalava anca.           Andóve chel ghesse imparà e come che’l fasesse, zé mistero. Fatostà che’l jera bravo e che lóra no jero bon a far compàgno, anca se col corteléto tacàvo a rangiàrme anca mì.

Farse fare ‘na balestra da Gildo jera bibióso: ócoréva starghe drìo, ténderlo, pregarlo, … biognàva saér spetàre.

       Ma co el me la ga mostrà!

‘n calso de fagàro fa ‘n mauser,  la cunéta par la frécia drita fa ‘n stciopetón, …el griléto. Ah, ..el griléto: fato de égano, drento al buso passante, inbironà con ‘n ciò anca de égano e sagomà a béco d’àcuila par incrucàre el soghéto. Na maravéja!

El castigo jera che Gildo faséa solo l’afusto. L’arco, el soghéto e le frece dovìvimu dontàrli naltri. E li se impetolàvimu. Cuéle balestre no gà mai funsionà! Solo cualche ano pì vanti sarìa rivà a fare ‘n arco de cornolàro co le frece de onbréla da far vergognare Ulisse, ma questa zé  naltra storia.

       Ogni tanto me rabàto ancora col cortélo sul legno, …me piase, … a gò ‘ncora man.

E me torna in mente Gildo…. e quel toséto che fursi jera intrapolà in quel corpo soferénte e che desso el sarà lìbaro, …come che lù libaràva i zugàtuli dal legno, par guadagnàrse la nostra considerassión.

Gianni Spagnolo